എത്തിപിടിക്കുമോ....
നീ എന്നെ ?
ഒരു പാളി ജനലിന്റെ തുറവിയില്
പെയ്യുന്ന മഴയ്യായ്
നിലാവായി
ഗംഗാജലമായി
പൊള്ളുന്ന മൌനമായി
ഇല്ലാത്ത ഓര്മയായി
മാംവിറകില് പകരുന്ന അഗ്നിയായി
എള്ളും പൂവും ചന്ദനവും
നീറ്റിയ വറ്റായി...
പവിത്രതിലൂറുന്ന അവസാന തുള്ളിയായി
ഒടുവില് ഒരു ചെമ്പട്ടു ചൂട്ടിയ
പച്ചമണ് കുടമായി
മറയുന്ന നേരം
എത്തിപിടിക്കുമോ....
നീ എന്നെ ?
മരണത്തിനപ്പുറം
നിര്ന്നിദ്രമാകുന്ന പേറ്റുനോവായി
അമ്മയായി, പ്രണയമായി, മകളായി ?
No comments:
Post a Comment